run kerala run

ഈ വര്‍ഷം   കുഴപ്പമില്ലാതെയാണ്  തുടക്കം കുറിച്ചത് .  ദേശീയ ഗെയിംസുമായി ബന്ധപ്പെട്ട് നടത്തിയ run kerala runil പങ്കെടുക്കാന്‍ പോകുമ്പോള്‍ സത്യത്തില്‍ മനസ്സില്‍ ചെറിയൊരു  ആശങ്കയുണ്ടായിരുന്നു . എന്നാലവിടെ ചെന്ന്  അതില്‍ പങ്കെടുത്തപ്പോള്‍ മനസ്സ്  നിറയെ ആവേശമായിരുന്നു .  ചക്ര കസേരയില്‍ കഴിയുന്ന ഏഴു പേരുണ്ടായിരുന്നു  ഈ പരിപാടിയില്‍ പങ്കെടുക്കാന്‍ .  ഞങ്ങളെ കൊണ്ട് പോയത്  പാലിയം ഇന്ത്യയിലെ പ്രവര്‍ത്തകരാണ് . ശരിയ്ക്കും  ഞങ്ങള്‍ക്കൊക്കെ അതൊരു വല്ലാത്ത അനുഭവം തന്നെയായിരുന്നു

 ഞാന്‍ run kerala runil  പങ്കെടുക്കാന്‍ പോകുന്നു എന്ന് പറഞ്ഞപ്പോള്‍ വിദ്യാഭ്യാസമുള്ളവര്‍ പോലും  ആദ്യം ചിരിക്കുകയാണ് ചെയ്തത് . അപ്പോളെനിയ്ക്ക് വാശിയായി . അന്ന് തീരെ വയ്യാഞ്ഞിട്ടും ഞാന്‍ അതില്‍ പങ്കെടുക്കാന്‍ പോയത്  ചക്ര കസേരയുടെ സഹായത്തോടെ ജീവിക്കുന്ന ഞങ്ങള്‍ക്കും  ഇതൊക്കെ സാധിക്കുമെന്ന്  ഈ പ്രാക്യത മനസ്സുള്ള സമൂഹത്തിന് കാട്ടി കൊടുക്കാന്‍ തന്നെയാണ് .

                                           സത്യപ്രതിജ്ഞ പറഞ്ഞു തരുന്നു

 കൈകള്‍ മുന്നോട്ട് നീട്ടി പ്രതിജ്ഞ  ഞങ്ങള്‍ എറ്റ് പറഞ്ഞു

 ശരിയ്ക്കും എന്തൊരു രസമായിരുന്നു .  ചക്ര കസേര തള്ളി കൊണ്ട് പോകാന്‍ ആളുണ്ടായിരുന്നെങ്കിലും  ഞങ്ങളും ആവേശത്തില്‍ വീലുകള്‍ കൈകള്‍ കൊണ്ട് ഉരുട്ടി  ആവേശമൊട്ടും ചോര്‍ന്നു പോകാതെ അതില്‍ പങ്കെടുത്തു .

   ഈഞ്ചക്കല്‍ നിന്ന് തുടങ്ങി  ബൈപാസ്  വരെ ഞങ്ങള്‍ പോയി

 

 

   

ഇതില്‍ പങ്കെടുത്തവര്‍ : രാധാക്യഷ്ണന്‍ ചേട്ടന്‍ , സിന്ധു ചേച്ചി , ഞാന്‍, ആഷ്ന,   ഷമി , ജ്യോതികുമാര്‍ , സമീര്‍ .പിന്നെ പാലിയം ഇന്ത്യയുടെ പ്രവര്‍ത്തകര്‍ ..
നന്ദി പാലിയം ഇന്ത്യാ