Friday, November 22, 2019
കരവിരുത്
അങ്ങനെ കിടന്നപ്പോൾ ഒരാഗ്രഹം ബ്ലോഗിൽ എന്തെങ്കിലും കുത്തി കുറിക്കണമെന്ന് . ഇനിയിപ്പോൾ നീണ്ട എഴുത്തിന് ടൈപ്പ് ചെയ്യാൻ കൈ വയ്യ. ചെറിയ എന്തെങ്കിലും ഫലിതമെഴുതാമെന്ന് വച്ചാൽ വലിയ ഫലിത എഴുത്തുകാരായ പ്രദീപേട്ടൻ , ആദി , സുധി എന്നിവർക്കൊപ്പം പിടിച്ച് നിൽക്കാൻ മാത്രമുള്ള ഫലിതം പറയാനുമറിയില്ല. പിന്നെ ഇനിയിപ്പോൾ എന്ത് ചെയ്യും. അപ്പോഴാണ് Fb - യിൽ മെമ്മറീസിൽ വന്ന പൂവിനെ കുറിച്ചോർമ്മ വന്നത്. അപ്പോൾ സ്വന്തം കഴിവ് അങ്ങ് ഇടുന്നതല്ലേ നല്ലത്.
Monday, November 11, 2019
സൗഹൃദം
ചില സൗഹ്യദങ്ങള് വരുന്ന വഴി വിചിത്രമാണ്. 2011 ഒക്ടോബര് 8 പാലിയം ഇന്ത്യയുടെ നേത്യത്വത്തില് പാലിയേറ്റീവ് കെയര് ദിനത്തോടനുബന്ധിച്ച് വീല്ചെയറില് ജീവിതം മുന്നോട്ടു കൊണ്ട് പോകുന്ന കുറച്ചു പേരെ മ്യൂസിയത്തിലേയ്ക്ക് കൊണ്ട് പോയി. അവിടെ വച്ചാണ് ഞാനാ ചേട്ടനെ കാണുന്നത്. ചേട്ടന് ഫോട്ടോഗ്രാഫറാണ്.ഞങ്ങളുടെയൊക്കെ ഫോട്ടോയെടുക്കാന് തുടങ്ങി ചേട്ടന്.
അന്ന് ഇന്നത്തെ പോലെ ആള്ക്കാരുമായി അത്ര വലിയ സഹവാസങ്ങളൊന്നുമുണ്ടായിരുന്നില്ല. അതിന്റെയൊരു അറിവില്ലായ്മ , ജാള്യത ഒക്കെയുണ്ടായിരുന്നു. പിന്നെ എനിയ്ക്കാണെങ്കിൽ ഫോട്ടോ എടുക്കുന്നത് പേടിയുള്ള കാര്യമാണ്. അത്രമാത്രമാണ് ഓരോരുത്തരും പറഞ്ഞ് പേടിപ്പിച്ചിരുന്നത്. അപ്പോഴാണ് ഒരാള് ക്യാമറയുമായി ഫോട്ടോ എടുക്കാന് നടക്കുന്നത്. ഫോട്ടോ എടുക്കുമെന്ന വാശിയില് ചേട്ടനും, ഫോട്ടോ എടുക്കാന് സമ്മതിക്കില്ലെന്ന വാശിയില് ഞാനും . അവസാനം ചേട്ടന് തന്നെ ജയിച്ചു
. പിന്നെ പതിയെ ഫോട്ടോ എടുക്കുന്നതിലെ പേടിയൊക്കെ മാറി . ചേട്ടന് ഫോട്ടോ മെയില് അയച്ചു തന്നു . ആ ചേട്ടനുമായി നല്ലൊരു കൂട്ടുകെട്ട് അവിടുന്ന് തുടങ്ങുകയായിരുന്നു. പിന്നീട് എത്രയോ വട്ടം ചേട്ടനെ നേരില് കണ്ടു . ഒരിക്കല് സൂ കാണാനായി കൂട്ടുകാരോടൊപ്പം പോയപ്പോള് സഞ്ജീവ് ചേട്ടനും ഒപ്പം വന്നു .
എട്ട് വർഷമാകുന്നു സഞ്ജീവ് ചേട്ടനും , ഈ കുഞ്ഞനുജത്തിയുമായുള്ള സൗഹ്യദം തുടങ്ങിയിട്ട് .എന്തെങ്കിലും ആവശ്യമുണ്ടെങ്കിൽ എത്രയോ വട്ടം ചേട്ടനെ വിളിച്ച് ബുദ്ധിമുട്ടിച്ചിരിക്കുന്നു. തിരക്കിനിടയിലും ചേട്ടൻ ഞാൻ പറയുന്ന സഹായങ്ങൾ ചെയ്ത് തരുന്നുണ്ട്. ഒരുപാട് നന്ദിയുണ്ട് സഞ്ജീവ് ചേട്ടാ എന്നെ സഹിക്കുന്നതിന്
Subscribe to:
Posts (Atom)