വേദന, വേദന.... തീരാത്ത വേദന

  Dr P Malankot

-

                  Dr P Malankot NDHS

ആരോഗ്യം എന്നത് രോഗം ഇല്ലാത്ത അവസ്ഥയാണ് -

ശാരീരികമായും മാനസികമായും. രോഗാവസ്ഥയില്‍

വേദന അനുഭവപ്പെടാറുണ്ട്. വേദനയും ശാരീരികമാകാം,

മാനസികവുമാകാം.

ശാരീരികമായ വേദനകൾക്ക് ആധുനിക

വൈദ്യശാസ്ത്രത്തിൽ മരുന്നുകൾ ഉണ്ട്

(വേദനാസംഹാരികൾ).

പക്ഷേ, അതൊന്നും അസുഖാവസ്ഥകൊണ്ടുള്ള

വേദനയെ തികച്ചും ഇല്ലാതാക്കുന്നില്ല. എന്നാൽ, ഒരു

തല്ക്കാലശമനം തന്നു എന്ന് വരാം. മറ്റു ചികിത്സാരീതികൾ

ഇതിനോട് അനുകൂലിക്കുന്നില്ല. എന്നിരിക്കിലും, പലപ്പോഴും

അടിയന്തരഘട്ടങ്ങളിൽ അതൊക്കെ വേണ്ടി വന്നേക്കാം.

മാനസികമായ വേദനയാണെങ്കിലോ? മാനസികമായ വേദനയും

അസുഖം കൊണ്ടുണ്ടാകാം. നേരെ മറിച്ചും.

മാനസികമായ വേദനകൾ അസുഖാവസ്ഥയിലേക്ക്

നയിക്കാതിരിക്കാൻ നാം ശ്രദ്ധിക്കേണ്ടിയിരിക്കുന്നു. ഈ

ദൈനംദിനജീവിതത്തിൽ

മാനുഷികമായ വികാരവിചാരങ്ങൾ

ഉള്ളതുകൊണ്ട്, സ്വാഭാവികമായും വന്നുചേരാവുന്ന

അസുഖങ്ങളും, വേദനകളും ഒരു പരിധിവരെ

എങ്കിലും താങ്ങാതെ നിവർത്തിയില്ല. ഇവിടെയാണ്‌ ഈശ്വര

വിശ്വാസവും, തത്വചിന്തയും, യുക്തിവാദവും,

ബുദ്ധിപൂർവ്വമായ  വിചിന്തനങ്ങളും ഒക്കെ

സഹായത്തിനെത്തുന്നത്.

എന്നാൽ അറിഞ്ഞുകൊണ്ട് - ബോധപൂർവ്വം മാനസികമായ

വേദനകൾ നാം ക്ഷണിച്ചുവരുത്തരുത്, അവ മറ്റുള്ളവരിലേക്ക്

പകർത്തരുത്.

മറ്റുള്ളവർക്ക് നാം വേദന കൊടുക്കുന്നത് അവരോടു ചെയ്യുന്ന

ദ്രോഹമാണ്, പാപമാണ്. തീർച്ചയായും അത്

ഒഴിവാക്കാവുന്നതേയുള്ളൂ.

നാം എന്തിനു മറ്റുള്ളവരെ വേദനിപ്പിക്കണം? നമ്മെ മറ്റുള്ളവർ

വേദനിപ്പിക്കുകയാണ് എന്ന് വിചാരിക്കുക. എങ്ങിനെയിരിക്കും?

അത് മനസ്സിലാക്കിയാല്‍, ഈ പാപചിന്തയിൽ നിന്നും,

പ്രവർത്തിയില്‍നിന്നും നാം താനേ പിന്‍വാങ്ങും.

സര്‍വേശ്വരന്‍ തന്ന ജീവന്‍ എടുക്കാന്‍ നമുക്കെന്തവകാശം?

നമ്മുടെ ശരിയല്ലാത്ത ചിന്തയും പ്രവര്‍ത്തിയുംകൊണ്ട്

മറ്റുള്ളവര്‍ക്ക് രോഗവും, വേദനയും

കൊടുക്കാന്‍ നമുക്ക് എന്തവകാശം?

പ്രിയരേ, കണ്ണുള്ള നാം ശരിക്ക് കാണുന്നില്ല! നമ്മുടെ അകക്കണ്ണ്

തുറക്കട്ടെ. വാക്കുകൊണ്ടും, പ്രവര്‍ത്തികൊണ്ടും മറ്റുള്ളവരെ

വേദനിപ്പിക്കാതിരിക്കുക. നല്ലതേ വരൂ.

''ലോ കാ  സ മ സ്താ  സു ഖി നോ  ഭ വ ന്തു.'' 

കടപ്പാട്  Dr P Malankot