ഒരു യാത്ര കൂടി അവസാന ഭാഗം

വെള്ളായണി കായലിനടുത്ത് എത്തി ചേര്‍ന്നപ്പോള്‍ തന്നെ തിരക്കിനിടയിലും അവിടെയുള്ള ഒരു കൂട്ടുകാരന്‍ ജെ.പി യും  , അവന്‍റെ കൂട്ടുകാരനും കൂടി എത്തി . അവിടത്തെ കാഴ്ചകള്‍ മനോഹരം തന്നെയാണ്

കിരീടം ചലച്ചിത്രത്തിലെ പാട്ട് രംഗത്തിലെ ആ  വഴി

പഴയ പാലം ഇല്ലാതായപ്പോള്‍ പണി തീര്‍ത്ത പുതിയ പാലം

അവിടുന്ന് പിന്നെ അതിനടുത് തന്നെ താമസിക്കുന്ന ഒരു കൂട്ടുകാരന്‍റെ വീട്ടില്‍ പോയി. അവിടെ അല്പ സമയം  വിനിയോഗിച്ച ശേഷം  അവിടുന്ന് വീണ്ടുമൊരു കൂട്ടുകാരന്‍റെ വീട്ടില്‍ പോയി . അവിടെയും കുറച്ചു സമയം

പിന്നീട് അവിടുന്ന് നേരെ  അമ്പലമുക്കിലുള്ള  എന്‍റെ ടീച്ചറുടെ വീട്ടില്‍ പോയി. അവിടെ എത്തുമ്പോള്‍ മഴ തകൃതിയായി  പെയ്യുന്നത് കൊണ്ട് എനിയ്ക്ക് ടീച്ചറുടെ വീട്ടില്‍ ഇറങ്ങാന്‍ പറ്റിയില്ല.  ടീച്ചറുടെ മകളുടെ കുഞ്ഞിനെ കാണാന്‍ പോയതാണ് . കുഞ്ഞിനെ എനിയ്ക്ക് കാണാന്‍ പറ്റിയില്ല. പിന്നെ ഫോട്ടോ എടുത്തു കൊണ്ട് വന്നാണ്  കുഞ്ഞിനെ കണ്ടത് . ശരിയ്ക്കും സങ്കടം തോന്നി . അവിടുന്ന് നേരെ വെള്ളനാട്  എന്നെ ചികിത്സിക്കുന്ന വൈദ്യരുടെ വീട്ടിലേയ്ക്ക് .അവിടേയ്ക്കുള്ള യാത്ര ഇച്ചിരി കഷ്ടപ്പാടായിരുന്നു . നല്ല മഴ . പോരാഞ്ഞു പൊട്ടി പൊളിഞ്ഞ  റോഡും .

അരുവിക്കര - വെള്ളനാട് റോഡ്‌ . 

ഈ റോഡിലൂടെ ഓട്ടോയില്‍ യാത്ര ചെയ്യുക പ്രയാസം തന്നെയാണ് . പലപ്പോഴും നടു  വേദനിച്ചിട്ടു വയ്യായിരുന്നു . എന്തായാലും  വെള്ളനാട് അശോകന്‍ വൈദ്യരുടെ വീട്ടില്‍ എത്തി . അവിടെ എത്തി ഞാന്‍ ഓട്ടോയില്‍ ഇരുന്നു കൊണ്ട് തന്നെ അവിടത്തെ ചേച്ചിയെ വിളിച്ചു. ചേച്ചിയ്ക്ക് ശരിയ്ക്കും എന്നെ കണ്ടപ്പോള്‍ അത്ഭുതമായി . കാരണം ഒത്തിരി കാലമായി ചേച്ചിയെ കണ്ടിട്ട്. വീട്ടില്‍ നിന്നും ആരെങ്കിലും പോയി മരുന്ന് വാങ്ങി കൊണ്ട് വരുകയാണ് പതിവ് . പക്ഷേ വൈദ്യര്‍ അവിടെ ഇല്ലായിരുന്നു . മൂത്ത മകനേയും കാണാന്‍ പറ്റിയില്ല.  ചേച്ചിയേയും, ഇളയ മോനെയും കണ്ട് . ചേച്ചിയിട്ടു തന്ന  കട്ടന്‍ ചായയും കുടിച്ചു  തൈലവും  വാങ്ങിയ ശേഷം  അവിടുന്ന്  നെടുമങ്ങാട്ടേയ്ക്ക്

                                                 വൈദ്യരുടെ വീട്ടിലെ എമു

 നെടുമങ്ങാട്  എത്തിയപ്പോള്‍ ഒരാഗ്രഹം .  നെടുമങ്ങാട്  ചന്തയൊന്നു കാണണമെന്ന് .  അങ്ങനെ ചന്തയില്‍ കയറി  ചന്തയും കണ്ടു മീനും, മലക്കറിയും വാങ്ങി കൊണ്ട്  നേരെ   പോത്തന്‍കോട്  വഴി വീട്ടിലേയ്ക്ക് . അങ്ങനെ ഒരാഗ്രഹം സഫലമായ പ്രതീതിയോടെ  വീട്ടില്‍ തിരിച്ചെത്തി  . അപ്പോഴും ചെറിയ ചാറ്റല്‍ മഴ ഉണ്ടായിരുന്നു . ആ ചാറ്റല്‍ മഴയും നനഞ്ഞു കൊണ്ടാണ് ഞാന്‍ വീട്ടില്‍ കയറിയത്‌ .

                                                        നെടുമങ്ങാട് മാര്‍ക്കറ്റ്

ശുഭം

                                                                               #

ഒരു യാത്ര കൂടി ഭാഗം 1

ഒത്തിരി കാലമായുള്ള  ആഗ്രഹമായിരുന്നു വെള്ളായണി കായല്‍ ഒന്ന് കാണണമെന്ന്. അങ്ങനെ  ആ ആഗ്രഹവും സഫലമായി .  അവിടെ അടുത്ത് വരെ പോകേണ്ട കാര്യമുണ്ടായിരുന്നത് കൊണ്ട് കായല്‍ കാണാന്‍ പറ്റി . രാവിലെ 8 മണിയ്ക്ക്  വീട്ടില്‍ നിന്നും ഓട്ടോയില്‍ യാത്ര തിരിച്ചു . വഴിയില്‍ വച്ച് എന്റെ ഒരു അനിയത്തി കുട്ടിയും ഒപ്പം വന്നു. അങ്ങനെ പുറം കാഴ്ചകളൊക്കെ കണ്ടു  യാത്ര തുടര്‍ന്നു

 ഒരേ ഒരു വനിതാ പോളിടെക്നിക് കോളേജ്

 

 ട്രാഫിക്ക് ബ്ലോക്കില്‍പ്പെട്ട് കുറച്ചു സമയം 

 വെള്ളായണിയുടെ മനോഹാരിത ഇവിടെ നിന്നും തുടങ്ങുന്നു .

 എങ്ങും പച്ചപ്പ്‌ . നല്ല പാടങ്ങളും . കണ്ണിനു കുളിര്‍മ്മ തരുന്ന കാഴ്ചകളായിരുന്നു

 കായലിന്റെ മനോഹാരിതയിലേയ്ക്ക് . മനസിന് ശരിയ്ക്കും സന്തോഷം തരുന്ന കാഴ്ചകള്‍ തന്നെയായിരുന്നു

 കിരീടം സിനിമ നടന്നത്  ഇവിടെയായിരുന്നു എന്നറിഞ്ഞപ്പോള്‍ എനിയ്ക്ക് അത്ഭുതമാണ് തോന്നിയത്

ബാക്കി ഫോട്ടോസും വിവരണവും പിന്നാലെ വരുന്നതാണ്

( തുടരും )