ബ്ലോഗുകള്‍ക്കു മരണ മണി മുഴങ്ങുകയാണോ ??

ഇതു ഇന്നലത്തെ കൊച്ചി എഡിഷന്‍  മെട്രോ മനോരമയില്‍ വന്ന വാര്‍ത്തയാണ്‍. ഇതില്‍ എത്രത്തോളം സത്യമുണ്ട് എന്നറിയില്ല.  ഇതു സത്യമാണ്‍ എങ്കില്‍ നമ്മുടെയൊക്കെ കാര്യം എന്താകും?.ആരേയും പേടിക്കാതെ  സ്വന്തം അഭിപ്രായങ്ങള്‍ പറയാനുള്ള അവസരമാണ്‍ ഇതു വഴി നഷ്ടമാകുന്നതു. ബ്ലോഗുകള്‍ നിര്‍ത്തലാക്കിയാല്‍ എന്‍റെ മനസ്സിലെ സങ്കടങ്ങളൊക്കെ ഞാന്‍ ഇനി എവിടെ പങ്കു വയ്ക്കും . എന്താണ്‍ കൂട്ടുകാരെ നിങ്ങളുടെ അഭിപ്രായം . ഇതു ചര്‍ച്ച ചെയ്യേണ്ട ഒരു വിഷയം അല്ല്ലേ . അങ്ങനെ നിര്‍ത്തുകയാണ്‍ എങ്കില്‍ എന്താണ്‍ നമ്മള്‍ക്ക്  ഇതിനെതിരെ  ചെയ്യാന്‍ കഴിയുക . ആരെങ്കിലും ഒരു പോം വഴി പറയുമോ ?

ഒരു ഓര്‍മ്മക്കുറിപ്പ്

ചിലരൊക്കെ നമ്മുട ജീവിതത്തില്‍ സ്വാധീനം ചെലുത്താറുണ്ട്. അതു മനസ്സിലാക്കുമ്പോഴേയ്ക്കും  ചിലപ്പോള്‍  വൈകി പോയിരിക്കും . അവന്‍ എനിയ്ക്ക്  അനിയന്‍ , സഹോദരന്‍ അതിനും അപ്പുറം എനിയ്ക്കു അവനോട് ഉണ്ടായിരുന്നത് വാത്സല്യം ആയിരുന്നു . എപ്പോഴാണ്‍ ഞാന്‍ അവനെ പരിചയപ്പെട്ടത് എന്നും അറിയില്ല. പക്ഷേ  ആ പരിചയം  അവന്‍റെ ബ്ലോഗുകളിലേയ്ക്കും നീണ്ടു. 
 അവനെ കാണണമെന്ന് എനിയ്ക്കു വലിയ ആഗ്രഹം ആയിരുന്നു.  എന്നാല്‍ എനിയ്ക്കു അതിനു കഴിഞ്ഞില്ല.
           കഴിഞ്ഞ വ്യഴാഴ്ച  എന്‍റെ ഒരു കൂട്ടുകാരി ഡല്‍ഹിയില്‍ നിന്നു വിളിച്ചു ആ ഞെട്ടിക്കുന്ന വാര്‍ത്ത പറഞ്ഞു . എനിയ്ക്ക് അതു വിശ്വസിക്കാന്‍ കഴിഞ്ഞില്ല. കാരണം അതിന്‍റെ തലേ ദിവസം കൂടി ഞാന്‍ അവനെ ഓണ്‍ ലൈനില്‍ കണ്ടതാണ്‍. . ഞാന്‍ അവളുടെ കോള്‍ കട്ട് ചെയ്തിട്ടു അവന്‍റെ ഫോണ്‍  നമ്പരിലേയ്ക്ക് വിളിച്ചു. കേട്ട വാര്‍ത്ത സത്യമാകരുതേ എന്ന പ്രാര്‍ത്ഥനയോടെ . പക്ഷേ കേട്ട വാര്‍ത്ത സത്യമായിരുന്നു.ഹൊ! ആ രംഗം ഇപ്പോഴും ഓര്‍ക്കാന്‍ വയ്യ.
 അവനു ഹ്യദയ സംബന്ധമായ അസുഖം ഉണ്ടായിരുന്നു. അത് ഒരിക്കല്‍ അവന്‍ എന്നോട് പറയുകയും ചെയ്തു . എന്നിട്ടു പറഞ്ഞു . ചേച്ചി ഇതു ആരോടും പറയരുത് . കാരണം എന്നെ ആരും സഹതാപത്തോടെ നോക്കുന്നത് ഇഷ്ടമല്ല എന്ന്. ഞാന്‍ ആരോടും പറയില്ല എന്നു വാക്കും കൊടുത്തു. ഞാന്‍ പുണ്യവാളന്‍ എന്ന ഷിനു ഈ ലോകത്തോട് വിട പറഞ്ഞിട്ട് ഇന്ന് ഒരാഴ്ച . ഇപ്പോഴും ആ ആഘാതം മാറിയിട്ടില്ല. എന്തൊരു ശക്തിയുള്ള എഴുത്ത് ആയിരുന്നു പുണ്യവാളന്‍റേത് .പുണ്യനെ കുറിച്ച് ഇനിയും പറയണമെന്നുണ്ടായിരുന്നു . വാക്കുകള്‍ കിട്ടുന്നില്ല.
 പുണ്യനു സമം പുണ്യന്‍ മാത്രം . 

ആദരാഞ്ജലികള്‍

ഇന്നു രാവിലെ തന്നെ ഞെട്ടിക്കുന്ന ഒരു വാര്‍ത്തയാണ്‍ ഞാന്‍ കേട്ടത് . ഒരിക്കലും വിശ്വസിക്കാന്‍ കഴിയുന്നില്ല. നമ്മളൊക്കെ സ്നേഹത്തോടെ ഞാന്‍ പുണ്യവാളന്‍ എന്നു വിളിക്കുന്ന പുണ്യന്‍ നമ്മെ ഒക്കെ വിട്ടു പിരിഞ്ഞു എന്ന് . സഹിക്കാന്‍ കഴിയുന്നില്ല മോനെ. നീ ഇപ്പോഴും ഞങ്ങളുടെ കൂടെ ഉണ്ട് . നീ പോയി എന്നു വിശ്വസിക്കാന്‍ കഴിയുന്നില്ല. ഇതു സഹിക്കാവുന്നതിനും അപ്പുറത്ത് ആണ്‍ . നിനക്കു മരണമില്ല . അതു കൊണ്ട് നിനക്ക്  ആദരാഞ്ജലികള്‍ പറയാന്‍ കഴിയുന്നില്ല.  നീ എപ്പോഴും കൂടെ ഉണ്ട് എന്നു തന്നെ വിശ്വസിക്കാനാ എനിയ്ക്കു ഇഷ്ടം

ഒട്ടും പ്രതീക്ഷിക്കാതെ നടന്നത്

ഡിസംബര്‍ 3 ലോക വികലാംഗ ദിനം . അതിനോട് അനുബന്ധിച്ചുള്ള പരിപാടികള്‍ നടന്നത് ഡിസംബര്‍ 8 ശനിയാഴ്ച . അന്നേ ദിവസം രാവിലെ 8 .30 നു ഒരു ടാക്സിയില്‍ ഞാനും, അമ്മയും  തിരുവനന്തപുരത്തേയ്ക്ക് തിരിച്ചു .  വഴിയില്‍ വച്ചു ഒരു കൂട്ടുകാരനേയും കണ്ടു. കൂട്ടുകാരനോട് യാത്ര പറഞ്ഞ്  ചാക്ക വഴി നേരെ പരിപാടി നടക്കുന്ന അട്ടകുളങ്ങര സ്കൂളില്‍ എത്തി . 
                

 കോട്ടയ്ക്കകം . ഞാന്‍ ആദ്യമായാണ്‍ കോട്ടയ്ക്കകം കാണുന്നത്.

 









  എനിയ്ക്ക് ഭാഗ്യം ഇല്ലാതെ പോയി. ഞാന്‍ സ്കൂളിന്റെ ഗേറ്റില്‍ എത്തിയപ്പോഴേക്കും കേന്ദ്ര മന്ത്രി ശശി തരൂര്‍ സര്‍  ഉദ്ഘാടനം ചെയ്തു പോയിരുന്നു . പിന്നെ വികലാംഗ ക്ഷേമ സമതിയിലെ ചേട്ടന്‍ കളക്ടറെ പരിചയപ്പെടുത്തി തന്നു . അദ്ദേഹത്തോടൊപ്പം നിന്ന് ഫോട്ടോ എടുക്കാനും കഴിഞ്ഞു











 പിന്നീട് ജില്ലാ പഞ്ചായത്ത് പ്രസിഡന്‍റു രമണി . പി. നായര്‍ മാഡത്തിനോടൊപ്പം കുറച്ചു സമയം .


 











അത് കഴിഞ്ഞു ലിറ്റില്‍ ഫ്ളവര്‍ കോണ്‍വന്റിലെ കുട്ടികളുടെ കലാ പരിപാടികള്‍ കണ്ടു. 
ശരിക്കും ഈ കുട്ടികളുടെ ന്യത്തങ്ങള്‍ കണ്ടപ്പോള്‍ എനിയ്ക്കു സന്തോഷവും, അഭിമാനവും തോന്നി. കാരണം ഇവരും എന്നെ പോളെ നടക്കാന്‍ കഴിയാത്തവര്‍ ആയിരുന്നു. എന്നിട്ടും ഇവര്‍  ആ സ്റ്റേജില്‍  തറയില്‍ ഇരുന്നു കോണ്ട്  എത്ര ഭംഗിയായിട്ടാണ്‍ ന്യത്തം ചെയ്തത് . പിന്നെ ഒരു പാട്  ആള്‍ക്കാരെ പരിചയപ്പെടാന്‍ കഴിഞ്ഞു.  

 അതു കഴിഞ്ഞ് ഞാന്‍ അവിടെയിരിക്കുമ്പോള്‍ സംസാരിക്കാന്‍ കഴിയാത്ത കുറച്ചു കുട്ടികള്‍ വന്നു അവരുടെ ചിത്രങ്ങള്‍ എടുക്കാമോ എന്ന് ചോദിച്ചു. ഞാന്‍ സന്തോഷത്തോടെ അവരുടെ ചിത്രങ്ങള്‍ എടുത്തു. അപ്പോള്‍ അവര്‍ക്ക് ഉണ്ടായ സന്തോഷം .  അതൊന്നും മറക്കാന്‍ കഴിയില്ല 
                                 എന്റെ  എല്ലാ കൂട്ടുകാര്‍ക്കും എന്റെ  ഹ്യദയം നിറഞ്ഞ പുതുവത്സരാശംസകള്‍